Action Woman

Jæja lét loksins verða af því að fá mér hjól. Fann notað hjól fyrir slikk, fínasti fákur hvítur og blár. Ekki var ég nú búin að eiga hjólið lengi þegar mér tókst að detta. Jamm, missti stjórn og framhjólið festist í sporvagnarás með þeim afleiðingum að ég flaug á hausinn. Ég er nú samt óbrotin ;) en smá skrámuð. Þurfti svo að leiða hjólið heim þar sem að í hamagangnum þá tókst mér að beygla keðjuhlífina og pedalarnir fastir.
Ætla að senda Fergal út í birtingu til að flikka upp á fákinn.
Get nú ekki annað en hlegið að þessu núna með smá roða í kinnum þar sem að ég sé mig ennþá í huganum standa upp úr götunni leiða hjólið upp á gangstétt til að hlamma mér á rassgatið aftur svona vegna þess að lappirnar létu ekki af stjórn. Innilegir vegfarendur allt í kringum mig að vorkenna mér og reyna að fá mig til að standa upp, það var tosað ýtt á risann frá Íslandi sem náði loks að gera sig skiljanlegann að allt í lagi væri með mig en ég þyrfti bara aðeins að fá að sitja lengur.
Annars voru jólin yndisleg, yndislegur tími sem eytt var í að borða, lesa, borða, horfa á TV, borða og sofa (kalkúnninn er ennþá í borðun).
Við hættum við þýskalandsför þar sem að vinur okkar óskaði eftir því að koma hingað til Rotterdam og eyða með okkur áramótunum hér. Það er fínt þó svo að gaman hefði verið að komast í smá ferðalag.

Jólakveðja

Ég eiginlega trúi því ekki að það séu komin jól, kannski vegna þess að enginn er hamborgarhryggurinn í ískápnum eða ilmur af sjóðandi hangikjöti í loftinu. Engin skötulykt til að fussa yfir og engir pakkar eða kort sem á eftir að keyra út þann 24. desember. Allt eru þetta fyrir mig merki þess að jólin eru gengin í garð.

Þó svo að fattarinn er ekki að skynja jólin þá svona vegna þess að dagatalið segir mér að það séu að koma jól, þá er ég nú samt búin að þrífa allt og ganga úr skugga um að jólakötturinn nái ekki að festa klónum í okkur með því að kaupa jólafötin. Við erum búin að fara á markaðinn til að versla í jólamatinn (enginn Bónusferð þetta árið heldur). Á markaðnum festum við kaup á 3,5 kílóa kalkún og öllu því meðlæti sem tilheyrir. Við verðum 2 í mat þannig að við endum árið og byrjum það næsta á því að borða kalkúnasamlokur í öll mál (las einhvers staðar að 3-4 kílóa kalkúnn væri mátulegur fyrir 6-8 manns (þetta var sá minnsti sem við fundum)). Deginum á morgun verður svo eytt í dúll og afslöppun því jólin verða haldin að írskum sið þann 25. desember.

Þið sem eigið svo gott að geta drukkið malt og appelsín um jólin megið alveg drekka eitt glas fyrir mig ;)

Ég sendi ykkur öllum mínar bestu jólakveðjur og vona að þið hafið það gott.

Prettige Kerstdagen en Gelukkig Nieuwjaar

Ekki snjór.... en meira svona ísing

Ökumenn í Rotterdam þurftu að skafa í morgun.

Það er kalt í Rotterdam þessa dagana. Sem betur fer er ekki mikið um úrkomu og vindurinn heldur sér í skefjum. Það er allt annar kuldi hérna heldur en heim á gamla góða Íslandi. Hérna er rakinn mikið meiri og kuldinn nístir inn að beini. Minnir mig á veturinn í USA á sínum tíma þar sem horið fraus í nefinu um leið og þú sagðir orðið ”út”. Einnig finnur maður meira fyrir kuldanum hérna þar sem að manni er kalt bæði inni og úti. Húsin hérna er ekkert einstaklega vel einangruð og þar af leiðandi erfitt að hita almennilega upp, og svo náttúrulega fyrir utan það að maður þarf að vera milljónamæringur ef maður ætlaði sér að hita upp eins og íslendingur. Eitthvað sem maður hefur ekki þurft að hugsa mikið um fyrr en núna. En sem betur fer eru vatn, hiti og rafmagn innifalið í leigunni þannig að við höfum getað hitað þokkalega upp.

Jólapartýið í vinnunni var brilliant frá A-Ö þvílík hamlaus gleði frá upphafi til enda. Góður matur, nóg að drekka og dansað, dansað, dansað við dúndrandi tónlist DJ Buddha.
Ykkar yndislegust mætti náttúrulega í nýju háhæluðuskónum sem hún hafði aldrei farið í áður og ÁÁÁÁÁÁÁÁÁÁi verkirnir. Skapplappaðist í leigubíl heim rétt eftir kl 01:00. Hélt að ég myndi ekki meika það upp stigann.

Við verðum bæði í fríi í 2 vikur og erum búin að byrgja okkur af lesefni frá bókasafninu þessa daga sem við verðum heima. Við stefnum á að fara til Þýskalands í nokkra daga til að hitta góðann vin og eyða áramótunum með honum. Ég var reyndar búin að plana að koma til Íslands í janúar en það verður ekkert af því núna vegna breytinganna í vinnunni. Ég verð í stífri þjálfun út janúar ásamt því að sinna því sem ég er með núna og síðan tekur alvaran við í febrúar. Ég ákvað því að nota þessa frídaga sem ég á inni núna um jólin til að ég sæti ekki uppi með þá þegar ég fengi ráðningarsamninginn við Rockwell (get ekki flutt þá með mér) og þurfa svo að borga 40% skatt þegar ég fengi þá borgaða út frá Undutchables.

Það sem af er desember.

Ég fékk bréf og súkkulaði frá Sinterklaas x2 :) Verð að deila með ykkur öðru bréfinu.

Every year on the 5th of December
there is an ancient guy with a long white beard we remember

He gives presents to people if they have been sweet.
Otherwise you will be taken back with him to Spain indeed!

Since you have been nice,
Sinterklaas decided to also give you a surprise!

So enclosed is something sweet to eat,
It is a delicious SinterKlaas treat!

We hope you enjoy this chocolate letter
On the 5th of December nothing tastes better!

Enjoy and best regards,
Sinterklaas & Zwarte Piet

Hefði ég vitað að ég fengi spánarferð fyrir að vera óþæg þá hefði ég ekki hugsað mig tvisvar um!!
Með bréfinu fylgdi súkkulaðistafur, fékk s.s. risa súkkulaði R.

Svo í gær þá fengum við tölvupóst frá starfsmannadeildinni um að við gætum komið milli klukkan 10 og 11 til að ná í jólagjöfina. Langt síðan ég hef fengið fyrirtækisjólagjöf (þar sem að það tíðkaðist ekki á síðasta vinnustað) þá spenntist ég öll upp og var fyrst á staðinn. Váááááá segi ég nú bara, aldrei fengið eins veglega jólagjöf. Fullt af einhverjum ítölskum mat, salatskál, pizzadiskur og eldfast lasagnamót. Salatáhöld, hvítvín, happdrættismiði og fleira og fleira. Þetta var allt saman í stórum pakkakassa (svona "hringja dyrabjöllunni með olnbogunum kassi) og níðþungur í þokkabót. Ég þakkaði henni "lukku" minni að ég fékk far heim því nóg var nú vesenið að koma þessu upp stigann :) hefði ekki boðið í strætó-, neðanjarðarlestar- og svo sporvagnaferð með þetta í örmunum.


Á morgun er svo jólapartýið fáum mat og drykk frá kl. 18 til 00:30. Getið nú rétt ímyndað ykkur hvar ég verð þegar frítt er annars vegar :)
Annars hlakkar mig mikið til og búin að liggja í brúnkukreminu alveg út í eitt (síðan í gær, þegar ég uppgvötvaði að litarhaftið passaði ekki alveg við gull litaða bolinn sem keyptur var á slikk fyrir partíið) plokkaði á mér augabrýrnar (já, þið sem þekkið mig, þá plokkaði ég á mér augabrýrnar alveg sjálf og það tókst alveg þónokkuð vel ef ég segi sjálf frá, og ekki nærri því eins vont núna og það hefur alltaf verið. Held það sé aðallega vegna þess að ég er ekki alveg viss um hvert ég ætti að fara til að láta vaxa þær, þannig að ég varð að duga eða blindast af augnabrúnum!!!)

Síðast en ekki síst er það rúsínan í pylsuendanum :)
Það er búið að bjóða mér fast starf hjá fyrirtækinu þannig að ég þarf ekki að hafa áhyggjur af því að verða atvinnulaus í febrúar. Ég náttúrulega tók því fegins hendi, ég mun flytjast til innan deildarinnar og sinna öðru starfi en ég er að sinna núna og byrja í þjálfun núna í janúar. Ég mun ekki þurfa að tala dönsku nema 2 daga í viku. En aðal málið er samt að fá að takast á við eitthvað nýtt.

Vona að þið hafið haft það sem best það sem af er aðventunnar og eigið góða komandi daga.
Kiss kiss og knús ;)

Laugardagur til lukku (vona ég fyrir hönd okkar allra)

Síðustu dagar eða öllu heldur vikur hafa verið mjög tíðindalitlir hérna hjá okkur í Hollandi að því undanskildu að við erum kominn með heimasíma og internettengingu, það hefur heldur betur lyft lundinni til hæðstu hæða. Yndislegt alveg hreint. Held samt að ég fái sjokk þegar ég fæ fyrsta símareikinginn ;) en það verður vel þess virði.

Sit hérna ennþá í náttfötunum, ein heima með kveikt á kertum um miðjann dag. Sólin skín úti og þvottavélin að þeytivinda (gólfið titrar) og Albert King í útvarpinu að spila "I´ll play the Blues for you"og ég bara get ekki slitið mig frá tölvunni :) er að vinna upp margra mánaða vafr og spjall við vini og ættingja. Lífið gæti ekki verið betra.

Fyrsti sunnudagur í aðventu á morgun, hef verið að leita eftir jólakortum hérna undanfarna daga (veit reyndar hvar ég get fengið þau en þau eru bara svo asskoti langt í burtu í augnablikinu) en þessi sem ég hef fundið hérna nálægt mér eru mjög fyndin. Hef verið að hugsa með mér að svona upp á grínið að kaupa nokkur og senda heim. En þau eru "Made in China" með frekar tvíræðum jólamyndum með enskum og oft misheppnuðum texta t.d. "Me whis you a Merries Christ Mas" :)

Hollenski "SinterKlaas" er á leiðinni frá Spáni í gufuskipi og verður hérna á Sint Nikolaas kvöld 5. desember. Í för með honum er Svarti Pétur (Zwarte Piet) sem er hjálparsveinninn hans. Mér skilst að Svarti Pétur sé einhver óknyttastrákur sem er alltaf svartur í framan eftir að hafa skriðið niður og upp skorsteinana. Það verður spennandi að vita hvað gerist 5. des.

Tók nokkrar myndir af "Höllinni" og setti inn á myndasíðuna. Frekar tómlegt hjá okkur ennþá en allt sem við þurfum :)

Aaahhhhhhh góð tilfinning!!!!!

Jæja loksins, erum orðin nettengd, þokkalega gott!!!
Setti inn nýjar myndir frá heimsókn Þórunnar og Geira. Verð nú að segja að ég tók skammarlega lítið af myndum... hmmmmm veit ekki alveg hvað ég var að hugsa.
Verð vonandi duglegri núna þar sem að við erum orðin nettengd.
En hef þetta stutt í kvöld þar sem að ég er of upptekinn á msn og símanum til að blogga :)

Í vinnunni

Þar sem maður er mikill þrákálfur og stundum ekki að sætta sig við hlutina eins og þeir eru þá hef ég ítrekað reynt að blogga út vinnunni. Þeir læstu síðunni stuttu eftir að ég byrjaði en hafa núna opnað fyrir aðgang aftur (er harð ákveðin í því að notfæra mér það til hins ítrasta áður en læst verður aftur). Jippíííííí

Í dag er mánudagur og þá er yfirleitt rólegt hjá mér í vinnunni og ég á smá stund fyrir sjálfa mig. Í augnablikinu er ég að bíða eftir hádegismatnum þar sem að ég er gjörsamlega aðframkominn úr hungri. Eins gott að það verði eitthvað gott að borða.

Það er fyndið hvað maður tekur upp á þegar maður flytur til útlanda. Ég skildi alla geisladiskana mína eftir á Íslandinu góða en á þó nokkuð af tónlist á tölvunni. Það eina sem ég hlusta samt á þessa dagana er Vilhjálmur Vilhjálmsson :) og syng með í hljóði. Hugsa að ég hefði ekki hlustað á hann eina mínútu ef ég væri ennþá á Íslandi.
En svona er þetta nú, Ragga í Hollandi með Villa Vill í eyrunum. Hann er góður.

Nýtt heimilisfang

Kootsekade 2
3051 PD Rotterdam
Holland

Nýir tímar

Í Hollandi gerist voða fátt í dag. Það tekur allt sinn tíma. Ég pantaði internettengingu og heimasíma í nýju íbúðina þegar við fluttum (jább við erum flutt úr skonsunni og búum núna í höll að mínu mati) en var sagt að það gæti tekið um eða yfir 3 vikur. Til að gera langa sögu stutta þá bíðum við enn, en þar sem að mér er farið að líða svo vel heima hjá mér þá fer ég mjög sjaldan út með tölvuna mína (hefur ekki gerst síðan ég flutti úr skonsunni) á kaffihús til að komast á netið. Þannig að bloggleysi síðustu vikna er ekki vegna þess að allt er ömurlegt (eins og kannski síðasta færsla ber vott um) heldur vegna þess að mér/okkur líður loksins vel.

Við búum núna í norður Rotterdam í hverfi sem kallast Hillegersberg. Hillegersberg hefur orð á sér að vera ríka hverfið í Rotterdam. Við búum alveg á landamærunum þannig að við erum ekkert ”posh”. Hillegersberg var áður fyrr þorp sem var stofnað á miðöldum (eru þorp ekki stofnuð?) en 1941 var það sameinað Rotterdam.

Ég bý núna nær vinnunni en það tekur mig samt lengri tíma að komast í vinnuna en áður c.a. 45 mín. til 1 klst. x2 á dag með sporvagni, tveimur jafnfljótum og svo metro. Planið er að kaupa hjól þar sem að það tekur ekki nema ca. 20 mín. til 30 mín að hjóla. Við erum líka fjær miðbænum en það eru 2 sporvagnar sem við getum tekið beint í miðbæinn og það tekur Fergal ekki nema 20 mín að labba (hef sjálf ekki prófað það en hugsa að það myndi taki mig ca. 30-40 mín.)

Fyrstu dagarnir í höllinni voru fremur frumstæðir. Það var bara dína og sjónvarp en það var samt ljúft. Við skelltum okkur svo í ”Notað og Nýtt” til að kaupa sófa og sófaborð. Gengum um búðina og flengdum okkur í hvern sófann á fætur öðrum, mældum og vigtuðum þar sem að við búum á ”3ju hæð” (á hollensku búum við á 2ri hæð) og stiginn er brattur (ekki samt eins brattur og þröngur og var í skonsunni). Við vorum búin að reikna það út að við kæmum léttilega 2ja sæta sófa upp stigann þannig að planið var að kaupa tvo 2ja sæta.
Eftir miklar pælingar á 2ja sæta sófum þá sest Fergal í bláann 3ja sæta leðursófa, og það var ekki aftur snúið fyrir hann. Hann fékk mig til að prófa og ég get svo svarið það (þótt mér hafi ekki fundist hann fallegur) ég gjörsamlega bráðnaði. Æsingurinn varð svo mikill að við gleymdum að mæla og vigta og fórum og borguðum hann.
Viku seinna var sófanum svo skellt á stéttina fyrir framan húsið okkar og við í viðbragðsstöðu að bera hann upp. Til að gera langa sögu stutta þá tók okkur 3 klukkutíma, rifrildi og mikinn pirring að koma sófanum upp. Á þessum þremur tímum hringdum við í búðina og vildum skila honum þar sem að hann komst ekki upp stigann, þeir sögðu nei. Fergal tók fram sögina sína og ætlaði að saga sófann í sundur og búa til 2 stóla úr honum (hann sagaði smá bita úr honum) og ég hljóp út í búð og keypti verkfæri til að geta skrúfað hann í sundur. En upp fór hann loksins í tveimur hlutum og það var dansaður stríðsdans af fögnuði. Hann er þvílíkt kósý (hann er ennþá sófi ekki tveir stólar).

Við erum búin að fá fyrstu heimsóknina. Þórunn systir og Geiri mágur komu í helgarferð og það var svooooooooo gaman að fá þau (er nú ekki búin að segja þeim það en það féllu þónokkur tár eftir að þau fóru, alltaf sama litla hjartað þótt líkaminn sé stór). Takk Þórunn og Geiri fyrir frábæra helgi.

Slæmar hliðar

Varúð!!!!!

Áður en þið byrjið að lesa þá verð ég að taka það fram að ég er ekki alveg í besta skapinu í dag. Ef þið skynjið neikvæðann tón úr skrifum mínum, þá vinsamlegast lesið ekki of mikið úr því. Þið hugsið væntanlega “af hverju ertu þá að skrifa ef þú ert ekki í skapi til þess?” . Þá svara ég, “ævintýri hefur bæði góða hlið og slæma hlið og þetta blogg er tileinkað slæmu hliðinni”.

AAAAARRRRRRRGGGGGGGGG!!!!!!!!

Ég er að verða geðveik hérna!!!!!!!

Skítaholan sem ég bý í versnar dag frá degi. Standandi partý alla daga nema um helgar. HELVÍTIS SKÍTAPAKK, ekki hægt að klaga í drullusokkinn sem á húsið því að við erum leiðinlega fólkið sem ætlast til einhvers af honum.

Klósettið útmigið og skitið af einhverju andskotans pakki sem er þarna inn og út alla daga vegna þessa helvítis partýstands.

Erum búin að vera að skoða íbúðir, reyndar bara tvær. Þessi fyrsta var ekkert spes og hefði kostað okkur fúlgur í að hita upp því gluggarnir eru svo óþéttir. Skoðuðum íbúð 2 á fimmtudaginn sem er á góðum stað og á þokkalega góðu verði. Yndislega íbúð alveg, tilbúin til innflutnings með þvottavél og alles. (Verð að útskýra þetta með tilbúin til innflutnings því hérna í Hollandi eru flestar leiguíbúðir þannig að leigjendur ganga inn í íbúðirnar fokheldar. Þurfa að setja gólfefni og ljósafestingar, mála og þess háttar. Svo þegar þeir segja upp leigunni og flytja eitthvað annað þá taka þeir allt með sér. ALLT.)

Fór svo á leigumiðlunina í gær og við getum fengið íbúðina en nei, sumir vilja skoða fleiri íbúðir “af því að það gæti verið eitthvað betra einhvers staðar annars staðar”. Það eitt er að gera mig brjálaða í dag líka. Þessi andskotans hugsanaháttur að það gæti verið eitthvað betra hinum megin við hornið. Og vera svo upptekin af því að allt sé grænna hinum megin að sjá ekki tækifærin þegar þau gefast. ANDSKOTANS HELVÍTIS

Jæja, Takk fyrir mig búin að fá útrás, líður aðeins betur núna.

Annars gengur allt í ljómanum. Vinnan að gera sig, vinnufélagarnir yndislegir og veðrið er gott.
Nýjar myndir í albúminu

UPDATE

Það rignir og rignir í Rotterdam þessa dagana.
Fengum nóg á sunnudaginn síðasta og hoppuðum upp í lest og fórum til Antwerpen í Belgíu. Vá hvað það var gaman. Eins og koma í annan heim. 20 stiga hiti og sól og ekki nema í klukkustundar ferðalagi frá Rotterdam.
Antwerpen (það sem við sáum af henni) er mjög lifandi og skemmtileg borg. Og húsin.... Vááááááá gömul hús og skrautið og útflúrið og gullið!!!! er ekki mikið inn í arkítektúr til að geta sagt ykkur meira. Skoðuðum risa kirkju, Fergal hljóp út um allt leitandi að heilögu vatni til að geta signt sig (einhver kaþólskur siður). Tók nokkrar myndir, mun setja þær inn næst, ekki með þær á mér núna. En alla vegana við vorum í svo rosalegum fílíng þarna að við misstum af síðustu lestinni heim og þurftum að bóka okkur inn á hótel. En það var alveg þess virði, ljúft að sofa eina nótt ekki í skonsunni.
Talandi um skonsuna þá höfum við átt í smá erfiðleikum með leigugaurinn, svo miklum erfiðleikum reyndar að við sögðum upp leigunni fyrir um klukkustund. Er meira fegin heldur en hitt, þó svo að við verðum kannski á götunni eftir mánuð. Það gengur ekki alveg eins hratt fyrir sig að fá íbúð hérna og heima. En það skal takast. Erum aðeins meira inn í hlutunum núna heldur en þegar við komum í sumar þannig að núna er bara að krossleggja fingur og vona það besta.

Nýjar Myndir

Nýjar myndir í myndaalbúminu frá Írlandi og Hollandi

Njótið vel

Sunnudagur til hvíldar

Yndislegur dagur í Rotterdam veðurlega séð. Þeir segja að sumarið hafi ekki komið til Hollands í ár. Kvarta um kulda og rigningar. Fyrir mig er þetta yndislegt, hef sem betur fer ekki aðlagast veðrinu ennþá þannig að ég get notið þess að hitinn er bara í 10 – 15 gráðum, Finnst þetta geggjað og fer út á stuttermabol. Ég er skrýtna konan í götunni :)

Það fer að verða aðkallandi að finna aðra íbúð. Sé fyrir mér að við parið verðum búin að drepa hvort annað áður en langt um líður. Erum samt bæði meðvituð um að þetta er bara tímabundið og við vitum að við komust í gegnum þetta. En vá þvílík áreynsla á samband karls og konu að flytja til annars lands. Hvorugt okkar hefur stað til að flýja til ef hlutirnir verða óbæranlegir (ekki einu sinni klósettið þar sem að við deilum því með öðrum).

Get alveg sagt að það er ekki auðvelt þegar pirringurinn lætur á sér bera að búa í lítilli skonsu/stúdíóíbúð. Þú snýrð þér til hægri og sérð hinn aðilann, snýrð þér til vinstri og hvað sérðu? Hinn aðilann! Þú snýrð þér við og hvað sérðu? Hinn aðilann. Úffff og þá lokarðu augunum, en ert tilneyddur til að opna þau aftur og hvað sérðu? Hinn aðilann!

Þessa dagana þá elskum við mánudaga, þriðjudaga, miðvikudaga, fimmtudaga og föstudaga því þá förum við í vinnuna Jippííííííííííí 10 klst í að sjá eitthvað annað en hinn aðilann. Það er gaman að fara í vinnuna.

Enn og aftur takk fyrir öll commentin. Er búin að stilla það þannig að ég fæ þau send í email um leið og þau berast. Þannig að ég þarf ekki að bíða í viku til að sjá þau. Get aftur á móti ekki svarað þannig að ekki halda að ég lesi þau ekki þó ég svari ekki.

Nágrannar

Húsið sem við búum í er á 3 hæðum, eiginlega 4 en þar sem ekkert er á jarðhæðinni nema inngangurinn þá eru þetta ekki nema 3 hæðir í Hollandi. Á hverri hæð eru 2 skonsur og 1. baðherbergi (s.s. 2 skonsur með eitt klósett). En þar sem að skonsurnar eru svo litlar þá er hámark 2 persónur í hverri skonsu.

Landlordinn er “gufuhaus” hef ekki mikið meira um hann að segja og við sjáum hann mjög sjaldan, sérstaklega ef við þurfum á honum að halda, en hann er fyrstur á svæðið ef leigan er ekki komin inn á réttum tíma, s.s. fyrir kl. 12 á hádegi fyrsta hvers mánaðar :)

Aðra sögu er að segja um nágrannana og eru þeir allir efni í heila bók.

Í íbúð 1. býr kona sem ég veit ekki hvaðan er. Heimildarmaður minn segir að hún sé “NutCase” sem að ég held að sé alveg rétt. Hún er búin að búa í húsinu lengst allra sem eru þar núna. Það er ósjaldan að maður heyrir hana öskra ef hurð skellist eða einhver hljóð heyrast úr öðrum íbúðum. Ég hef ekki lent í henni en Fergal hefur fengið að finna fyrir henni. Skildist á Fergal að hann hefði bara sagt henni að steinhalda kjafti og vera ekki að skipta sér af því sem henni kæmi ekki við. Eitt skiptið bankaði hún upp á hjá okkur til að spyrja okkur ef við hefðum heyrt einhver hljóð af efstu hæðinni. Kommon kona.... Lifðu og leyfðu öðrum að lifa í frið! Við höfðum reyndar heyrt hljóð en sögðum henni það ekki, parið á efstu hæðinni var að rífast, en hvað kemur okkur það við eða henni ef þau rífast eða ekki (kem að því seinna).

Í íbúð 2. býr maður sem ég hugsa að sé komin vel á fimmtugsaldur. Það er ósjaldan sem maður kemur upp stigann að hann stendur í dyragættinni í boxer-nærbuxunum sínum og hvítum ermalausum bol með úfið hárið. Svoldið fríkí fyrst en komst síðar að því að þetta væri meinlausasti maður í öllu Hollandi. Hann kemur frá litlu þorpi utan af landi en flutti til Rotterdam fyrir 11. mánuðum. Hann fer helst ekki út, þekkir fáa og er og hefur alltaf verið einfari. Mér skilst að hann sé alkahólisti en það eina sem maður sér af honum er þegar hann stendur í dyragættinni. Heimildarmaður minn segir að íbúðin hans sé “spotless” hvergi rykkorn að finna og virkilega smekkleg.

Í íbúð 4. (núna erum við sem sagt á okkar hæð og við erum íbúar í íbúð 3) býr heimildarmaður minn, hollensk kona sem er búin að reynast okkur mjög vel. Hún er komin vel á miðjan aldur, svoldið lifuð og eftir því sem mér skilst þá hefur hún ekki átt mjög auðvelt líf fram til þessa. Var gift og á einn son. Hún gekk út úr hjónabandinu eftir að hafa verið barin sundur og saman í 13 ár. Veit ekki alveg hvernig sagan er og langar ekki að vita mikið meira. Núna á hún írskann kærasta sem vinnur á olíuborpalli. Hann vinnur í 3 vikur og er svo heima í 2 vikur. Hann er fyndinn, hræðilega ofvirkur en besta skinn. Þau ferðast mjög mikið því þegar hann kemur heim þá bíður hann henni með sér til sólarlanda viku í senn. Þess vegna hefur hún verið í 3. vinnum síðan við fluttum inn því hún er alltaf að taka sér frí til að fara til útlanda og er búin að missa vinnuna þegar hún kemur heim. Henni finnst það allt í lagi, hún er hamingjusöm og það er fyrir öllu. Í morgun fóru þau til Grikklands.

Í íbúð 5. er að ég held asísk stúlka. Veit ekkert um hana. Hef séð hana 2x. Held að hún sé í skóla hérna.

Í íbúð 6. er parið. Þau eru ensk. Hún vinnur á bar neðar í götunni og hann, já hann, hann hefur ekkert unnið síðan við fluttum inn. Búin að vera inn og út af spítala vegna slagsmála og drykkju. Fyrst var hann handleggsbrotinn og svo er búið að sauma hann sundur og saman í andlitinu síðan. Þau eru ekki mikið meira en 20 – 22ja ára. Þið þekkið týpuna, alltaf fullur og alltaf að slást. Okkur finnst ekki mikið til hans koma og reynum að leiða hann hjá okkur eftir fremsta megni. Tekst ágætlega. Nema þegar við komumst ekki hjá því að heyra hann rífast og dangla í kærustuna sína. Hún er ósjaldan með glóðurauga og sprungna vör. Sorglegt.

Heimildarmaður minn minntist eitthvað á að þau væru að missa íbúðina þannig að fljótlega fáum við kannski nýja nágranna. Verður spennandi að vita hvernig þeir verða.

Heimilisfang

Finnst alltaf gaman að fá kort eða bréf.

Heimilisfang:

Nieuwe Binnenweg 245b
3021 GD Rotterdam
Netherland

Ef þið skiljið eftir heimilisfang í Comments þá er aldrei að vita nema að þið fáið PÓSTKORT :)

Vá hvað það er langt síðan ég bloggaði!!!!

Það er stundum erfitt að vera orðin “almennur” starfsmaður eftir að hafa unnið í tölvudeildinni í mörg ár.

Ég fékk loksins tölvuna (eins og ég minntist á um daginn). Fékk þessa fínu tölvu og flatann skjá J eina manneskjan sem er með flatann skjá!!!! Og allir eru grænir af öfund. Myndi finnast mikið til þess koma ef skjárinn væri stærri en 15” hehehehehehe. Hef haft það allt of gott hjá UTS síðastliðin ár.

Mér finnst ég alltaf vera að uppgvötva nýja hluti þessa dagana. Gæti sagt að ég sé að læra alveg heilmikið um sjálfa mig og/eða fólk almennt. Mín helsta skemmtun þessa dagana er að fara á útimarkaði, ekki til að versla heldur til að fylgjast með fólkinu, berast með straumnum, brosandi mínu sólheimabrosi og dillandi mér í takt við tónlistina sem er spiluð í sumum básunum. (Tek Fergal ekki með mér í þessa leiðangra mína, hann er alltaf að flýta sér eitthvað.)

Í gær rann upp fyrir mér að á þessum stutta tíma síðan við fluttum inn í skonsuna þá hef ég takmarkað hversdaginn við eina götu. Götuna sem við búum við. Hef alltaf farið sömu leiðina niður í bæ, í vinnuna, í búðina. Mér var farið að líða aðþrengdir án þess að gera mér grein fyrir því. Þangað til í gær, þá þurfti ég að fara á pósthúsið. Í þveröfuga átt við það sem ég hef alltaf farið.

Mér leið eins og mér hefði verið hleypt út úr búri. Við gönguna á pósthúsið þá víkkaði sjóndeildarhringurinn heilmikið í 10 mínútna göngufjarlægð frá skonsunni fann ég til dæmis, elsta part Rotterdam, Delfshaven, eina hverfi Rotterdam sem ekki var jafnað við jörðu í seinni heimstyrjöldinni. Ég þurfti að bíða eftir því að prammi færi hjá til að ég kæmist yfir vindubrúnna. Ég sá í fyrsta skipti í Hollandi, vindmyllu. Ég fann “ChinaTown” (er reyndar bara ein gata), ég fann einnig hóruhús (fór samt ekki inn). Ímyndið ykkur. Allt þetta í nágrenninu og ég fyrst að finna það út núna. :)

Vissuð þið að í Hollandi er að finna búðir sem selja próteindrykki og svona heilsuræktarpillur og duftmat eins og t.d. Hreysti gerir á Íslandi ? Auðvitað vissuð þið það.... En þið vissuð ekki að í öllum þessum heilsubúðum geturðu farið inn og keypt þér fitubrennslutöflunar þínar og OFSKYNJUNARSVEPPI og fleiri vímuefni.... hélt að ég yrði ekki eldri. En svo náttúrulega eftir smá hugsun þá ákvað ég að verða eldri, “softdrugs” eru lögleg í Hollandi. Þetta er samt eitthvað sem á eftir að taka mig tíma til að venjast.

Írland var BLISS... það var svo gott að koma þangað, eins og að koma heim. Þessir 2 dagar voru notaðir til hins ýtrasta. Lítið sofið. Hittum alla og fleiri sem ég hef ekki hitt áður. Mikið hlegið, talað og grátið. HEHEHEHE já grátið, Happy Tears samt.

Sakna ykkar allra.

Kossar og knús á línuna.

Og tad kom ad tvi

Tid verdid ad afsaka kaeru lesendur. Tad er buid ad loka fyrir adgang ad blogger i vinnunni tannig ad ekki getur "kjellingin" bloggad tadan. Tad er a skipulaginu ad fa ser internet tengingu heim, en tad samt tess ad vid finnum okkur adra ibud sem vid getum hugsad okkur ad vera i eitthvad til frambudar. Skonsan er ekki alveg ad gera sig en verdur ad duga ut arid.

En eg er buin ad finna tennan yndislega stad i hjarta Rotterdam tar sem ad eg kemst a internetid FRITT ! Tad er nefnilega a bokasafninu... geggjad flott bokasafn a 6 haedum, finnst eg vera a heimaslodum innan um allar skruddurnar og nerdana.

A sidustu vikum hef eg afrekad ad skra mig hja Hollenskum yfirvoldum, tannig ad nuna standa okkur allir vegir faerir. Buin ad opna bankareikning og natturulega buin ad verda mer ut um bokasafnskort. Madur er samt svo skrytin skrufa... fae ekki sama kikkid ut ur tvi ad leigja bok og lesa og eg fae tegar eg kaupi bok og les. En tad er bara ad bita a jaxlinn og lata sig hafa tad og venjast, tvi ad eg aetla ekki ad eyda peningum i baekur bara til ad turfa ad pakka teim nidur og skilja taer vid mig ef eg tek upp á tví ad flytja aftur. Verd svo tilfinningalegatengd vid tessar skruddur.

Naesta helgi felur i ser ferdalag til Irlands. Eg hlakka svo rosalega til ad eg stend varla i lappirnar. Er buin ad vera a tanum, half falin i skyjunum sidustu daga. Foreldrar Fergals eiga nefnilega brudkaupsafmaeli og systkynin aetla ad koma teim a ovart og gera teim gladan dag. Tad eru vist 10 ar sidan oll fjolskyldan hittist sidast tannig ad eg get rett svo imyndad mer studid sem verdur a folkinu (svona midad vid sidustu ferd).

Vinnan gengur vel, sjalfstraustid og danskan alveg a blussandi uppsiglingu. Verd reyndar ad reyna ad verda mer ut um ordabok, ensk danska, dansk enska. Ekki mikid um tad i bokabudunum herna.

Eg setti inn myndir um daginn, endilega kikid a taer. Blogger var med einhverja staela tannig ad eg gat ekki bloggad i leidinni.

Eg vona ad tid hafid tad sem allra best og haldid afram ad kommenta :) finnst alltaf eins og eg hafi fengid pakka i hvert skipti sem kemur nytt komment.

LOKS

Tad kom ad tvi!!!! Er buin ad fa tolvuna i vinnunni. Vinnan gengur vel, mikid ad gera og margt ad laera. Danskan batnar dag fra degi, er samt svoldid takmorkud i samtolum um daginn og veginn. Laeri bara vinnu donsku. :)
Laet heyra meira i mer her eftir (vonandi)

Í Rotterdam er alltaf eitthvað um að vera....

Dagarnir líða hratt, maður vaknar snemma til að fara í vinnuna og kemur seint heim.

Ég var að hugsa það um daginn hvað það er mikill munur að búa á stað þar sem almenningssamgöngur eru góðar. Manni finnst maður ekki vera fangi þó maður eigi ekki bíl. Maður kemst út um allt fyrir lítinn pening. Þá er ég ekki bara að tala um innan borgarinnar heldur getur maður skroppið í dagsferð til næstu borgar eða jafnvel næsta lands (á reyndar eftir að prófa það sjálf J þetta með næsta land).

Hollendingar eru mjög liberal en kerfið hérna úfffffffff. Ég til dæmis þarf að fá svokallað sofienúmer, sem er eins og kennitalan okkar, til að geta unnið, stofnað bankareikning og til að fá útborgað. Þetta gengur ekki eins fljótt fyrir sig og heima, hérna þarftu að panta tíma og þó að það hafi verið beðið um flýtimeðferð þá þarf ég að bíða í 3 vikur.

Þrátt fyrir númersleysi þá er ég eins og þið vitið byrjuð að vinna og þar sem að borgað er út vikulega hérna þá fæ ég ekki útborgað fyrr en í fyrsta lagi 22. ágúst (þ.e.a.s. ef allt gengur vel þann daginn).

Vinnan gengur vel, ég er í þjáfun og verð það til 31.ágúst og eftir það þá verð ég að standa mig. Danskan gengur svona upp og niður, er fín á morgnana en þegar líður á daginn og innpúttið orðið of mikið þá segi ég bara “HVAD” og skil ekki neitt. Það tekur á að tala dönsku!

Vinnufélagarnir eru margir og fjölbreyttir eftir því.

Það er náttúrulega þessi danska, ári eldri en ég, gift hollendingi og á 17 mánaða gamlan strák og á von á öðrum núna í október. Mjög skipulögð ;) hress og finnst skemmtilegt að tala. Kom til Hollands og ætlaði að vera hérna í 3 mánuði. Búin að vera hérna í 3 ár. Þetta er svona persóna sem allir elska.

Svo er þessi tjékkneska, gift hollendingi sem hún hitti á diskóteki í prag og flutti með honum til hollands. Hefur mjög skemmtilegann kaldhæðnislegann svartann húmor, á auðvelt með að hneykslast en hlær svo af því eftir á. Henni langar ekki að vera í Hollandi, hana langar heim innst inni, en kærastinn hennar vill ekki fara. Hún er samt uppspretta skemmtilegra frásagna og hennar sýn á lífið er svo allt öðru vísi en maður er vanur. Hún ólst upp í kommúnistaríki.

Þá er það sú frá indónesíu. 21 árs búin að búa í Hollandi síðan hún var 13 ára. Rosalega klár stelpa, með allt sitt á hreinu. Mamma hennar býr í Englandi með stjúpa hennar, og pabbi hennar býr í Jakarta (veit ekki hvernig á að skrifa þetta) Indónesíu og á milljón börn en hún þekkir bara 2 af systkynum sínum. Hún var uppreisnarseggur sem unglingur og flutti ein til Hollands eftir að mamma hennar fór til Indónesíu aftur (áður en hún flutti til Englands). Mamma hennar var mótfallin því að hún kæmi hingað aftur og studdi hana á engan hátt þannig að með skólanum þá vann hún fyrir sem með skúringum og barvinnu. Í dag er mamma hennar sátt.

Tvær eru frá USA, önnur sér það fynda við allt og hlær og hlær og maður getur ekki annað en hlegið með henni. Hún kemur frá litlum bæ nálægt Baltimore, hefur aldrei ferðast eða farið í frí til fjarlægra ríkja eða landa. 37 ára og fór í fyrsta skipti í flugvél fyrir 5 árum þegar hún flutti með kærastanum sínum til Hollands. Hún á hund sem er með einhvern sjúkdóm og þarf að vera á lyfjum “for the rest of his life”. Hún elskar hundinn út af lífinu en er orðið þreytt á því að þurfa að vakna snemma um helgar til að gefa honum lyfin. Maðurinn hennar drekkur nefnilega mikinn bjór og vaknar ekki til að hugsa um hundinn. En fyrir þessa helgi var hún mjög glöð því maðurinn lofaði að vakna svo hún gæti sofið út í dag. Hlakka til að heyra eftir helgi hvernig gekk. ;)

Hin er frá Long Island, upprunalega frá Dóminínska lýðveldinu og það fer eftir því hvernig liggur á henni og hvaða dagur er hvort hún er dóminísk eða bandarísk. Gift hollendingi og allt eftir bókinni. Hrikalega skipulögð og blátt áfram. Hún liggur ekki á skoðun sinni um neitt. Talar endalaust og ekki laust við að hún sé svoldið pirrandi.

Svo er litla góða spænska stelpan. Alltaf brosandi jafnvel þegar hún blótar á spænsku. Hún hjólar alltaf í vinnuna. Lítur alltaf út eins og klippt út úr franskri bíómynd. Fullkomin. Þekki hana ekki mjög mikið ennþá.

Þetta er svona smá innsýn, væri efni í bók ef ég skrifaði um hvern og einn einast sem er að vinna þarna. Persónulega finnst mér þetta þvílíkt heillandi og á hverjum degi rek ég garnirnar úr einhverjum. Allir svo ólíkir með ólíkann bakgrunn en samt að vinna sömu vinnuna.

Í dag er DanceFestival í Rotterdam, veit ekki alveg út á hvað það gengur en í mix við allt og ekkert þá skildist mér á auglýsingunum að þetta væri líka eitthvað svona erótískt. Og náttúrulega þar sem að það er Festival þá verður skrúðganga. Við ætlum að kíkja þar sem að skrúðgangan fer að hluta til eftir götunni okkar. Ekki fram hjá íbúðinni en svona nánast.

Um næstu helgi eða helgina þar á eftir verður “StreetRace” í Rotterdam þar sem að formúlu1 bíla kappakstur verður, ekki alvöru heldur bara svona sýning held ég. Spennandi ;)

Já by the way, er ennþá að bíða eftir að fá mína eigin tölvu í vinnunni (þeir vilja mánaðar fyrir vara þ.e.a.s. tölvudeildin..... tölvan mín var sett í flýtimeðferð (tveggja vikna styttinga á mánaðarfyrirvaranum (sæi það í anda ganga upp t.d. hjá heilsugæslunni))) þannig að ég fæ hana vonandi á mánudag eða þriðjudag, þannig að ég vona að ég fái tækifæri til að blogga oftar þá ;)

I vinnunni

Vid attum yndislega helgi i geggjudu vedri.
A laugardaginn tokum vid turistann a Rotterdam, forum a "vikumarkadinn" og gengum svo um borgina i naerri tvi 4 klst. Rotterdam er mikid meiri og fjolbreyttari en eg helt. Mikid ad sja og skoda. Rotterdam er borg arkitekturs 2007. Tad er fullt af flottum nytiskulegum byggingum herna, og sumar teirra eru gjorsamlega "breathtaking"
A sunnudaginn tokum vid letingjann. Forum i Euromastpark og lagum tar i solinni og lasum. Tad var fullt af folki, lifandi tonlist og mikid um ad vera. Mjog afslappad andrumsloft allir gladir og saelir.
Islendingurinn eg hugsadi natturulega ekkert ut i solarvorn a svona degi og vid getum sagt ad eg se adeins ad borga fyrir tad i dag. Svoldid raud ;)

Líður eins og í bíómynd!!!!

Sit á risastórum bar/veitingastað sem stendur við tvær stórar götur, sit við stórann glugga sem opnast allur, eins og ég sitji nánast úti. Fyrir utan gluggan eru tugir borða og öll eru þau upptekin, það er skvaldur á alla kanta eins og í fuglabjargi. Framhjá fer fólk á hjóli, í sporvögnum, í strætó og einkabílum og svo auðvitað gangandi. Suður-amerísk tónlist í hátölurunum í bakgrunni. Allt iðandi af lífi og mitt í þessu öllu sit ég pikkandi á tölvuna, sötra bjór og reyki.

Fyrsti dagurinn í vinnunni liðinn. Gekk rosalega vel, var farin að tala smá dönsku í enda dagsins :)
Vinnan sem slík virðist ekki vera mjög flókin, en samt fullt af smáatriðum sem þarf að huga að.
Enska er aðal tungumálið á milli starfsfólks. Ca 30 manns að vinna í deildinni og þessir 30 manns koma frá 16 löndum. Þannig að þetta er mjög alþjóðlegt.
Skrýtnast við þetta allt saman er að vera flutt til Hollands, byrjuð að vinna, tala 2 tungumál í vinnunni og hvorugt þeirra er hollenska :)

Við erum búin að koma okkur ágætlega fyrir í íbúðinni og fyrsta máltíðin var elduð í kvöld og borðuð með bestu list. Eins og Fergal orðaði það "This is great, you can eat and there is more food waiting for you if you´re still hungry" Greyið orðinn frekar leiður á kebab og dönner máltíðum frá tyrkjabúllunum :)

Gott veður

Sit á kaffihúsi við gömlu höfnina í Rotterdam og bíð eftir því að klukkan verði 15:00. Er að fara til að skrifa undir vinnusamninginn.
Fyrsta nóttin í "skonsunni" var ágæt loksins þegar við gátum sofnað.
Búin að fara í þvottahúsið í morgun og þvo fötin okkar. Þvoði þvottinn sjálf að þessu sinni og borgaði 6 evrur fyrir afnot af einni þvottavél og þurkara. Annars geturðu skilið þvottinn eftir og þær gera þetta fyrir þig fyrir 7 evrur ;) ljúft að eiga ekki þvottavél, lætur aðra sjá um þetta fyrir þig.
Sólarkveðjur frá gömlu höfninni í Rotterdam

Tók ekki nema 15 daga!!!!

Ég er himinlifandi í dag, því að í dag flytjum við inn í "kompuna" ;) tek myndir seinna.
Einnig er ég líka himinlifandi því í dag fékk ég líka þær fréttir að ég FÉKK vinnuna.
Ég gæti byrjað á morgun en þar sem að það þarf að ganga frá samningum og sækja um kennitölu, (tekur samt viku eða meira að fá kennitölu, maður þarf að panta tíma hjá skattmann, og fara í viðtal), þannig að ég byrja að vinna á fimmtudaginn hjá Rockwell Automation (fyrir þá forvitnu þá getið þið skoðað heimasíðuna þeirra hér http://www.rockwell.com )
Ég er ekki búin að finna út fullt heimilisfang á nýju "íbúðinni" þannig að þið verðið að láta póstkortin, bréfin og pakkana sem þið ætlið að senda okkur bíða enn um stund.
Það er ekki internettenging heima, þannig að núna þarf ég að fara á næsta restaurant eða bar til að komast á netið ;) ekki slæmt það. Veit ekki hvernig þetta verður á nýja vinnustaðnum, hvort þeir leyfa msn eða persónulegtvafr á netinu. En kemur allt í ljós.
Læt heyra í mér fljótlega.

Nýjar myndir, ZomerCarnaval í Rotterdam

Vá þetta er lengsta skrúðganga sem ég hef orðið vitni að.
Mætt fyrir utan hótelið kl 13:00 og vá stuðið!!!!!!!! klukkan er núna 16:45 og þetta er ekki ennþá búið. Varð að fara inn og hvíla lúin bein og tæma minniskortið í myndavélinni. :)
Vona að þið hafið gaman að því það eru nýjar myndir á myndasíðunni.
Salsa og samba kveðjur frá Röggu og Fergal.

Tíðindi....

Jæja viðtalið var ekkert svo hroðalegt. Fæ samt ekkert að vita fyrr en eftir helgi.
En góðu fréttirnar eru að við erum búin að fá íbúð. Þetta er stúdíóíbúð með eldunaraðstöðu en þurfum að deila baðherbergi með einni konu. Ódýr leiga og fínt til að byrja með.
Ekkert grand en nóg fyrir okkur tvö.

Tilbúin

Jæja hérna sit ég "All dressed up" á hótelherberginu, klukkan ekki nema hálf 9. Ég á að mæta kl 10 og ég er stressuð, úff.
En anda djúpt, hugsa jákvætt.
Læt ykkur vita hvernig gekk seinna í dag.
Túdelú

Í Rotterdam notar fólk regnhlífar... líka þegar það hjólar!?!

Síðustu dagar hafa verið tíðindalausir. Verð að viðurkenna að ég er orðin svoldið frústreruð varðandi íbúðamálin, virðist ekkert vera að gerast. En þá er bara að draga andann djúpt og trúa því að það leysist fljótt.
Ég vona að dagurinn á morgun hafi góðar fréttir í för með sér, ég er sem sagt að fara í atvinnuviðtalið kl. 10 í fyrramálið (8 á íslenskum tíma, þið hugsið til mín yfir morgunverðinum eða á leiðina í vinnuna).

Ég fann dönsku í bókabúðinni. Er búin að sitja yfir henni síðustu daga og hlusta á geisladiskana sem fylgdu með. Það er alveg ótrúlegt hvað þetta rifjast fljótt upp það litla sem maður kunni. Bý að því að hafa útskrifast sem stúdent af málabraut á sínum tíma, þannig að ég kann aðeins meira en bara grunnskóla dönskuna.

Á laugardaginn er sumarkarnival í Rotterdam, skilst á þeim sem ég hef talað við (sem eru alveg tveir, þrifakonan á hótelinu og strákurinn í móttökunni) að þetta sé þvílík skemmtun, mini útgáfa af suður amerískum kjötkveðjuhátíðum. Fjaðrir, dill og fjör. Við erum svo heppin að skrúðgangan og skemmtunin fer fram m.a. í götunni sem hótelið stendur við, þannig að það verður ekki langt að í stuðið.

Ég er gengin upp að öxlum!!!

Fergal byrjaði að vinna í gær, líkar mjög vel. Ekki samt alveg eins líbó á því hérna og á Íslandi segir hann, því hérna má ekki tala í vinnunni. Þ.e.a.s. þú mátt ekki hætta að vinna til að tala, þú mátt tala við manninn sem vinnur við hliðina á þér, ekki við þann sem labbar framhjá. Þannig er nú það.

Fólk í Rotterdam þarf að vakna snemma til að fara í vinnu, ég ákvað að fara á fætur með Fergal þannig að við værum á sama róli varðandi svefn. Þetta þýðir að ég vakna kl. 5:30 á morgnana. Hehehehehehehehe ég sem átti erfitt með að vakna fyrir kl. 9.
En svona er þetta, nýjir siðir í nýju landi.
Og meira af nýjum siðum, held ég sé búin að labba meira síðastliðna viku heldur en öll árin þar á undan. Var að gantast um þetta við Fergal í gær, að ég gæti ekki verið eins og fólk er flest og farið í ræktina til að komast í form.... Nei Ragga flytur til útlanda til að labba.


Er búin að leita logandi ljósum um allan miðbæinn af almennilegri bókabúð til að verða mér út um danskar bækur til að lesa. Engin bókabúð, alveg sama hvert ég leit. Varð heldur betur hissa þegar ég kom svo úr bænum í gær og var að lesa upplýsingabæklingana sem við erum með á hótelinu. Það er ein risastór..... það er hægt að horfa á hana hvaðan sem er úr bænum, ekki nema 11 hæðir. En málið er að ég var búin að ákveða að þetta væri svona sex shop (hollendingar eru nefnilega svo liberal) og að ég hefði ekkert þangað að gera fyrr en ég væri komin í varanlegt húsnæði. Búðin heitir Selexyz Donner og ég, Ragga sem á ekki rafmagnstannbursta, gat lesið sex shop út úr þessu.

Stuttbuxum og ermalausum bol......

Fórum í smá ferðalag í dag. Fórum til Den Haag til að komast á Scheveningen ströndina. Risa strönd í klukkutíma fjarlægð með lest + sporvagni frá Rotterdam. Lágum nú lítið í sólbaði þar sem að það vindaði mikið frá Norðursjónum og sólin faldi sig reglulega á bak við skýin. Samt nógu mikil sól fyrir mig til að verða rauð á öxlunum og verða bitin á alla vegana 3 stöðum af moskító eða einhverju álíka.



Margt sem ég gerði í fyrsta skipti á ævinni í dag.
1. ferðaðist í 2ja hæða lest (Double decker train)
2. ferðaðist með sporvagni
3. framdi fyrsta lögbrotið í Hollandi x2
4. tók vitlausa lest og endaði í einhverju smáþorpi sem heitir Gouda (eins og osturinn)

Ekki samt missa ykkur yfir lögbrotunum, komst ekki upp um mig, en fór í sporvagninn án þess að borga, héldum að það væri miðasalakall um borð, en enginn kom og við út á áfangastað. Það sama gerðist á leiðinni til Rotterdam frá Gouda, búið að loka miðasölunni á lestarstöðinni og enginn rukkaði okkur. Var samt með lífið í lúkunum því miðakallinn í vitlausulestinni hélt yfir okkur þvílíka ræðu, skildum ekki orð, sögðum bara, "já, já".
Morgundeginum ætlum við að eyða í að kynna okkur metro/strætó kerfið í Rotterdam. Það er víst ekki nóg að þekkja bara eina götu og eina lestarstöð.

God dag, snakker du dansk.

Þetta eru búnir að vera skrýtnir dagar fram að þessu, hef aldrei eytt eins miklum tíma á hótelherbergjum eins og þessa síðustu daga. Við höfum ekki einu sinni farið á barinn hvað þá meira, en málin standa þannig núna að við erum í ferlinu að sækja um íbúð hjá borginni, allar aðrar íbúðaleigur og leigumiðlanir vilja fá 3ja mánaða fyrirframgreiðslur + mánaðarleigu + prósentur sem er yfirleitt 19% af mánaðarleigunni þar sem að við erum nýkomin til landsins. En hjá borginni borgum við 1500 evrur fyrirfram og mánaðarleigan 400 - 500 evrur eftir það. Það besta sem við höfum séð hingað til.
Fergal byrjar að vinna á mánudaginn og ég er að fara í atvinnuviðtal hjá Rockwell Automation á föstudaginn í næstu viku. Er með svoldið í maganum yfir því þar sem að þeir eru að leita að dönskumælandi einstaklingi og auminginn ég setti í ferilskránna að ég væri mellufær í dönsku ;) (orðaði það samt betur). En alla vegana þá var búið að skipuleggja símafund á dönsku, þriðjudaginn í næstu viku, ég ætlaði heldur betur að æfa mig, fara í bókabúðina og reyna að finna bækur á dönsku og svo liggja á internetinu, dönsku síðunum. Hvað haldið þið, þeir misskildu eitthvað og hringdu í morgun..... úfffffff kvíðahnúturinn..... enginn undirbúningur og algjörlega óviðbúin..... vona að ég hafi ekki klúðrað þessu en á ennþá að mæta í viðtalið á föstudaginn.... þið krossleggið fingur fyrir mig.
Núna ætla ég að borða rod grod med flode í allar máltíðir fram á föstudag
Bestu kveðjur til Íslandsins góða

PS. er komin með hollenskt númer +31 638112891 þannig að ef þið viljið láta heyra í ykkur þá mun ég svara ;)

Hávaxnir hollendingar og víðáttur

Jæja þá erum við komin til Hollands. Veðrið er gott, heitt en frekar rakt. Þetta er svona "þrjársturturádag" veður. Minnir nokkuð á sumarið í USA.

Ferðin gekk vel fyrir sig. Við gistum fyrstu nóttina á hóteli í nágrenni flugvallarins í Eindhoven. Komum frekar seint, svöng og þreytt. Allt lokað nema McDonalds þannig að miðnætursnarlið var BigMac og franskar.
Þegar upp á herbergi var komið, þá henntum við okkur í rúmmið, kveiktum á sjónvarpinu og létum þreytuna líða úr okkur.

Innan skamms fórum við að heyra mjög sérkennilegt hljóð, sem ágerðist, þetta var eins og kurr í gömlum ískáp. Eftir um það bil klukkustund þá gáfumst við upp og hringdum í móttökuna og kvörtuðum því þetta var orðið frekar pirrandi. Þeir ætluðu að athuga málið, tíminn leið og hljóðið hélt áfram.... klukkan að ganga 3 um nótt.... pirringurinn að ná hámarki, hringdum aftur í móttökuna, þeir búnir að athuga málið og heyrðu ekkert í herbergjunum í kringum okkur. Þeir sendu upp öryggisvörð, ung kona kom og bankaði... heyrði hljóðið, fór að brosa og spurði "eruð þið með rafmagns tannbursta" Við alveg "ha.... nei" fórum að athuga málið betur. Hljóðið kom úr annarri ferðatöskunni. Oh my god... ekkert smá neyðarlegt... konan fór.
Við lærðum á þessu: "Takið batteríin úr hjálpartækjunum áður en að langt er að stað í ferðalag" :D

Erum komin til Rotterdam núna, verðum á hóteli næstu tvær nætur.
Sálin er létt og tilhlökkun til að takast á við þau verkefni sem fyrir okkur liggja.
Finna Vinnu
Finna Húsnæði.

Brottför 16. júlí 2007 kl. 15:40

Síðasta bloggið úr selinu

Hæ hæ og hó hó
það er orðið ansi tómlegt, bergmálar í íbúðinni, lokaspretturinn eftir við þrifin núna á næstu klst og þá er þetta komið.
Bíllinn kemur í fyrramálið, þá mun hlaðið og brunað norður í land og svo í bæinn aftur síðdegis.
Kveðja úr selinu.

Síðustu fregnir

Hætt í vinnunni - Skrýtið
Pakka - gengur þokkalega en leiðinlegt
Þrífa - hef áhyggjur af því á morgun
Flytja - gerist á laugardaginn

Er samt í stresskastinu, get ekki étið, drekk bara vatn því allt annað vill leita út aftur á miður skemmtilegann hátt.
Í höfðinu hljómar sama spurningin aftur og aftur "Hvern ands..... ertu búin að gera núna stelpa?"

En að öðru fórum í sjóstangaveiði frá Keflavík á sunnudaginn í geggjuðu veðri. Eitt það skemmtilegasta sem ég hef gert í langan tíma.
Bjó til myndasíðu á netinu, setti inn myndir frá atburðinum. Mun reyna að setja inn myndir í framtíðinni frá lífinu í útlöndum. Veit ekki alveg hvernig það mun ganga en reyni samt.
Linkur á síðuna hérna til hliðar.

Dagurinn í dag

Jæja þá er hann runninn upp, síðasti vinnudagurinn.
Virtist vera svo langt í burtu, en þessir 3 mánuðir flugu hjá.
Ég er búin að selja, þvottavél, ískáp, örbylgjuofn og finna X-boxinu góðan stað.
Græjurnar, glösin og fleira smálegt er einnig búið að finna stað.
Mun gera mér ferð norður í land í stórum bíl eftir viku með annað sem fer ekki í sorpu.
Lífinu pakkað og hent. Nýtt líf handan við hornið.

Blendnar tilfinningar

Vá hvað tíminn líður hratt þessa dagana. Það er eiginlega ekki hemja, á bara eftir að vinna eina viku í viðbót og þá hefst gamanið.
Ég er á fleygiferð í tilfinningarússíbananum þessa dagana, spennan og gleðin eiga samt vinninginn en það örlar alveg á smá hræðslu og ofsahræðslu inn á milli og ég tala nú ekki um kvíðahnútinn.
En hvað um það, vitið þið um einhvern sem vantar þvottavél fyrir lítinn pening eða langar í X-box vél + nokkra leiki? Endilega ef þið vitið um einhvern látið mig vita ;)

Nú árið er liðið :D

Elsku vinir, frænkur og akureyringarnir mínir takk fyrir kveðjurnar í gær :D
Það er alltaf svo gaman að eiga afmæli, og já Guðný ég man sko eftir 13 ára afmælinu á Benidorm, svaka banquette og svo hin ógleymanlega setning "á ég að borða þetta??? með sinnepi???" þá var nú gaman :D finnst eins og það hafi gerst í gær en það eru víst 20 ár síðan!!!

Hátíðisdagur

Hin yndislega stórfrænka mín á afmæli í dag
Til hamingju með daginn frænka

Kv
Ragnh.

Undin tuska

Vááááááááááááááá
er eins og undin tuska í dag
laugin er málið
ætla sko aftur í næstu viku
finn ekki til í hnjánum í dag

Höfuðbein og spjaldhryggur

Minn maður er búinn að vera í meðferð í lítilli sundlaug, hjá höfuðbeina og spjaldhryggs snillingum, undanfarnar vikur. Hann er orðinn allt annar maður.
Í kvöld fer ég í hans stað og get ekki beðið. Þetta er alveg ótrúlega spennandi, ég fékk smá prufutíma um daginn og vá get ekki lýst því með orðum.
Þannig að í kvöld verð ég í ólýsanlegum aðstæðum.

Fallegir dagar

Þrátt fyrir snjókomu og smá vesen í lífinu undanfarna daga þá get ég ekki annað sagt en að lífið sé fallegt. Mér finnst þetta skemmtilegasti tími ársins og gaman að sjá bæði fólk og umhverfi lifna við eftir veturinn.
Í dag er ekki nema mánuður í síðasta vinnudag, CV"ið" er svo til tilbúið og verður sent út eftir nokkra daga, pappakassarnir eru komnir í hús og núna verður tekið á því (um leið og ég læt verða af því að ná mér í límband ;) )


Ég er alveg hryllilega spennt yfir þessu öllu saman. Mér finnst ég standa nakin á klettasyllu með bundið fyrir augun og aðeins eitt skref.... og ég mun falla eins og steinn niður í óvissuna.

Vííííííííííííííííííííííííííííííííííííííííííííííííííííííííííííííííííííííííííííííííííííííííííííííííí get ekki beðið, því það er aldrei að vita hvað ég mun finna og hvað ég mun gera.

Akureyri, Húsavík, Mývatn Akureyri

Gistiheimilið = snilld
Hvalaskoðun = snilld
Jarðböðin = snilld
Ball með Bjögga og Brimkló = algjör snilld

Helgin = Snilld

I Feel Like "Ragga" Tonight!

Eftir vinnu í dag á að brydda aðeins upp á hversdagsleikann með helgarferð til Akureyrar.
Það verður stuð.
Farið verður á nýja bílaleigubílnum sem ég fékk í skiptum fyrir rauða bílaleigubílinn (af því að hann var á nagladekkjunum).
Ég sem sagt hringdi í bílaleiguna út af nagladekkjunum og þeir segja "já koddu bara, við skiptum um þetta bara meðan þú bíður" og vitið þið bara hvað, þegar ég mæti þá fæ ég bara annan bíl á sumardekkjum í staðinn.
Það væri ekki slæm veröld ef maður gæti leyft sér það í lífinu að eiga einn vetrarbíl og annan sumarbíl. Ekkert vesen með dekkjaskipti eða umfelganir, uuuuuuummmmm góð tilhugsun.

Að allt öðru, hafið þið skoðað "The Advertising Slogan Generator"? Þetta er algjör snilld, ef þetta lyftir ekki á manni munnvikjunum þá veit ég ekki hvað gerir það.
Til að ná munnvikjunum eyrnanna á milli prufið þá endilega líka "The Movie Quote Generator" bara snilld.

It´s that Ragga feeling!!!!

Svona líður mér í dag.
Tíminn silast áfram.

Dánarfregnir og jarðarfarir

Jæja þá er skjaldbaka búin að fara sína hinnstu ferð og verður væntalega jörðuð í kyrrþey í kvöld eða fyrramálið.... mikill söknuður í gangi en á hinn bóginn þá er ég glöð að hún sé búin að fá hvíldina. Búið að vera mikið stríð núna síðustu mánuði...
Þannig að núna er ég formlega "ekki" skráður bíleigandi.
Hvíl í friði

Í fréttum er þetta helst....

Manninn minn er kominn aftur til landsins, ákvað að slaufa þessu bara fram í júlí, þannig að við förum saman þá... :) mikið skemmtilegra líka

Pabbi minn er kominn á þetta líka flotta hjúkrunarheimili, mikill léttir fyrir alla aðila að hann sé laus af biðdeildinni. Aðstaðan er öll til fyrirmyndar og honum lyndir mjög vel, meira að segja talar um að maturinn sé góður :)

Bíllinn minn er kaput og fer á haugana í dag :( helv.... greyið gat ekki hangið í 2 mánuði í viðbót... en verðum að taka því með jafnaðargeði ekkert við því að gera (fæ alla vegana 15þús fyrir hann á haugunum)

Í dag er ég glöð

Það er margt sem gleður hjartað í dag. Í fyrsta lagi, þá var ég búin að gleyma að það er frí á fimmtudaginn... en núna man ég það og þess vegna er ég glöð.
Í öðru lagi þá er pabbi minn loksins búinn að fá plássið eftir árs bið og verður fluttur á mánudaginn næsta...
Margt smálegt hefur svo gerst í dag sem gerir mig glaðari og glaðari og á endanum þá mun Eggert hittast í kvöld og þá verður líka mikil gleði.
Vona að þið öll séuð eins glöð og ég.

Áttundi dagur

Helgin leið hratt, en var góð frá upphafi til enda. Sé það að ég verð að fara að skipuleggja mig betur ef ég ætla að komast yfir það sem ég ætla að gera áður en lagt verður í hann, því tíminn flýgur.
To do listinn lítur svona út í augnablikinu:

1. Vá hvar á ég að byrja!!!!
2. ?????
?.

Já verð að koma mér í gírinn, vil helst vera búin að öllu fyrir 24. júní.
Allar skipulagsráðleggingar vel þegnar

Niðurtalningin er hafin

3 dagar liðnir og 82 dagar to go.
Finnst þetta allt of langt í dag en sem betur fer er margt sem þarf að gera og áður en maður veit af þá verða 82 dagar liðnir og 3 to go.